Yola qaçan gənc “Toyota”nın gözündən qaça bilmədi - VİDEO

Qaydasız halda yolu keçməyə çalışdı, avtomobilin tam hədəfinə düşdü. 
Avtosfer.az xəbər verir ki, bədbəxt hadisənin görüntüləri paytaxt küçələrindən birində baş verib. Yolun müşahidə kameralarına tuş gələn olaydan bəlli olduğu kimi yol kənarında dayanan piyada qəfil qaçaraq avtomobillərin hərəkətinə məhəl qoymadan digər tərəfə keçməyə cəhd edib. Diqqətlə baxdığımız zaman piyadanın qarşıda dayanan avtomobillərə baxmaqla kifayətləndiyini və yolun sol tərəfinə fikir vermədiyini görə bilərik. Nəticədə elə həmin istiqamətdən sürətlə gələn “Toyota” markalı avtomobilə dəyib. Təəssüf hissi ilə qeyd edək ki, bu küçədə piyada vurulmasıyla bağlı qəza halları çox yaşanır. İşıqlandırdığımız hadisədən öncə də buna oxşar olayı - sürücünün son anda qəzanın yanından ötdüyünü göstərən video materialı paylaşmışdıq.

Nərmin