Yolayrıcında qayda pozan sürücü qəzaya səbəb oldu – VİDEO

Yol hərəkəti qaydalarına riayət olunması qəzaların qarşısının alınmasında əsas amillərdən biri olaraq qalır. 

Avtosfer.az xəbər verir ki, bu barədə Nəqliyyatı İntellektual İdarəetmə Mərkəzi tərəfindən paylaşılan görüntülərdə bir daha diqqətə çatdırılıb.

Qurum sürücülər müraciət edərək bildirib ki, yol nişanlarının tələblərinə əməl etməklə bir çox yol-nəqliyyat hadisəsinin qarşısını almaq mümkündür. Xüsusilə sürət həddinə riayət olunması, xəbərdaredici və qadağanedici nişanların nəzərə alınması hərəkət iştirakçılarının təhlükəsizliyi üçün həyati əhəmiyyət daşıyır.

Paylaşılan kadrlarda qaydalara əməl olunmadığı hallarda yaranan qəzalar əks olunub və bu kimi davranışların ağır nəticələrə səbəb ola biləcəyi vurğulanıb.

Mərkəz bir daha xatırladır ki, qaydalar sürücüləri məhdudlaşdırmaq üçün deyil, onların təhlükəsizliyini təmin etmək üçündür. Sürücülər əvvəlcə öz təhlükəsizliklərindən əmin olmalı, daha sonra hərəkətə başlamalıdırlar.

Eltac Zülfüqaroğlu