Yük avtomobilinin yoluna çıxmaq baha başa gəldi - VİDEO

İdarəetməni buraxan sürücü kamazla üz-göz oldu.
Avtosfer.az xəbər verir ki, hadisə Rusiyanın İvanova əyalətində baş verib. Avtomobilin videoregistratoruna düşən görüntüdən bəlli olduğu kimi yolun sağ tərəfi ilə gedən avtomobil bir anda əks istiqamətə doğru keçməyə çalışıb və bu zaman qarşıdan gələn yük maşınının yan hədəfinə tuş gəlib. Belə ki, videoda yük maşınının sadəcə öz yolunda irəlilədiyi, avtomobil mənasız şəkildə onun yoluna çıxdığı gözdən qaçmır. Nəticədə yüksək sürətlə hərəkət edən yük avtomobilinin zərbəsi ilə sol hissəsi tamamilə yararsız hala düşən maşının içindən sürücünün sağ çıxması insanlar tərəfindən heyrətlə qarşılanıb.
Qeyd edək ki, araşdırma zamanı sürücü avtomobilinin sürətlər qutusunda problem yaşadığını və istəmədən sağa döndüyünü qeyd edib. 

Nərmin Əkbər