Yük maşını “Mazda” ilə toqquşdu; 4 ölü, 2 yaralı - FOTO

Rusiyanın Novosibirsk əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 8-də Ozerno qəsəbəsi ilə Kupino şəhərini birləşdirən trasda qeydə alınıb. Bu barədə Rusiya Daxili İşlər Nazirliyinin Mətbuat Xidmətinin əyalət üzrə regional qrupundan məlumat verilib.

Məlumata görə, 1976-cı il təvəllüdlü sürücü idarə etdiyi “Hino Ranger” markalı yük maşını ilə hərəkətdə olarkən yolun əks istiqamətinə çıxıb və qarşıdan gələn “Mazda” markalı minik avtomobillə toqquşub. Zərbənin şiddətindən minik avtomobilinin sağ yan hissəsi deformasiyaya uğrayıb.

Qəza nəticəsində “Mazda”da olan 4 nəfər ölüb, daha 2-si isə xəsarət alıb.

Yaralılar təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev