Yük maşını mikroavtobusla toqquşdu; 9 ölü, 3 yaralı

Boliviyada mikroavtobusun və yük avtomobilinin iştirakı ilə ağır yol qəzası olub. Avtosfer.az xəbər verir ki, hadisə iyulun 24-də ölkənin qərbində qeydə alınıb.

“Fides” radiostansiyasının məlumatına görə, toqquşma nəticəsində 9 nəfər ölüb, 3 nəfər isə xəsarət alıb. Yaralılar təcili tibbi yardım briqadasının köməkliyi ilə La-Pas şəhər xəstəxanasına çatdırılıblar.

Bildirilir ki, faciə yük avtomobilinin sürücüsünün günahı üzündən yaşanıb.

Belə ki, o, qaranlıq havada, mikroavtobusun faralarından birinin yanmamasını görərək onu motosiklet sanıb və toqquşma olub.

Hüquq-mühafizə orqanları tərəfindən araşdırmalara başlanılıb.

Namiq Musayev