Yük maşını parça-parça oldu - VİDEO

Sərnişin qatarı qarşısına çıxan ağır texnikanı parça-parça elədi. Avtosfer.az atv.az-a istinadən xəbər verir ki, izləyənəri dəhşətə gətirən bu görüntülər Polşada lentə alınıb. Varşavadan Katovitse şəhərinə gedən sərnişin qatarı ilə yük maşınının toqquşması  hadisə baş verən vaxt ərazidə olan başqa bir avtomobilin videoqeydiyyatçısından  görüntülənib. Kadrlarda  yük maşınının relslərin üzərində dayandığı, sürücünün isə nəqliyyat vasitəsindən uzaqlaşdığı öz əksini tapır. Bir neçə saniyə sonra qatar sürətlə özünü relslərin üzərindəki yük maşınına yetirir. Ağır texnikanı kirbit qutusu kimi  əzən qatar, yük maşınından geriyə dəmir qırıntıları qalır.

Polis qəza baş verən vaxt qatarda  270-dən çox sərnişin olduğunu, onlardan 2-sinin yüngül yaralandığını bildirib. Qəza nəticəsində relslərə ziyan dəydiyindən bölgədə qatar səfərləri müvəqqəti təxirə salınıb.

Parça-parça olan yük maşınının hansı səbəbdən qatarın hərəkət trayektoriyası üzərində dayandığı məlum deyil. Polisər bunun texniki nasazlıq, yoxsa təxribat olduğunu araşdırır.