Yük yerində insan daşıyan maşın aşdı; 9 ölü, 8 yaralı - FOTO

Konqo Demokratik Respublikasında yük avtomobilinin iştirakı ilə ağır yol-nəqliyyat hadisəsi baş verib. Avtosfer.az “TASS”a istinadən xəbər verir ki, qəza cənubi Kivu əyalətində qeydə alınıb.

Məlumata görə, kəndlərarası yolda, yük yerində insan daşıyan maşın, sürücünün sükan idarəetməsini itirməsi səbəbindən aşıb.

Hadisə nəticəsində 9 nəfər ölüb, 8-i isə xəsarət alıb. 

Faktla bağlı araşdırma aparılır.

Namiq Musayev