Zaqatalada Gürcüstan vətandaşını avtomobil vuraraq öldürüb

Zaqatalada Gürcüstan vətandaşını avtomobil vuraraq öldürüb.

APA-nın Şimal-qərb bürosunun məlumatına görə, hadisə iyunun 30-u axşam saatlarında rayonun Qandax kəndində baş verib.

Kənd sakini 71 yaşlı Fərman Cumaəliyev idarə etdiyi "VAZ-2107" markalı minik avtomobili ilə Gürcüstan Respublikasında qeydiyyatda olan və hazırda Qandax kəndində yaşayan 62 yaşlı Şamama Cəlal qızı Şabanovanı vurub. Hadisə zamanı müxtəlif dərəcəli ağır bədən xəsarətləri alan Ş. Şabanova Zaqatala Rayon Mərkəzi Xəstəxanasının (RMX) Reanimasiya şöbəsinə yerləşdirilib.

Ş. Şabanova aldığı ağır xəsarətlərdən xəstəxanaya yerləşdirildikdən bir neçə saat sonra dünyasını dəyişib.

Faktla bağlı Zaqatala rayon Polis Şöbəsində araşdırma aparılır.