Zəncirvari qəza: Aşan “TIR” magistral yolu sıradan çıxartdı, avtomobillərin hərəkəti məhdudlaşdı - VİDEO

Sürət həddini sıxan “TIR” sürücüsü sürüşkən yolda idarəetməni itirərək zəncirvari qəzaya səbəb olub.
Avtosfer.az-ın məlumatına görə, zəncirvari qəza hadisəsi Türkiyənin Adana-Mersin avtomobil yolunda baş verib. Magistral yolu iflic vəziyyətinə salan qəzanın baş verməsinə səbəb “TIR” sürücüsünün nəzərdə tutulan sürətdən yüksək şəkildə yük maşınını idarə etməsi olub. Digər tərəfdən yola dağılan mazut “TIR”ın hərəkətini çətinləşdirərək zəncirvari qəzanın yaranmasına gətirib çıxarıb. Nəticədə dəmir dirəyin üzərinə aşan “TIR” magistral yolun hər iki tərəfini tutub və hərəkətdə olan digər yük maşınını və “Volkswagen” markalı minik avtomobilini də sıradan çıxarıb. Həmçinin daşıdığı yeşiklərlə dolu meyvə-tərəvəz də yola dağılıb. Xoşbəxtlikdən insan ölümü ilə nəticələnməsə də, qəza yaradan “TIR” tamamilə yararsızlaşıb, digər nəqliyyat vasitələri videodan göründüyü kimi, müəyyən dərəcədə zədələnib. 

Nərmin