Zəncirvari qəza: Qayda pozan hər üç avtomobil qurbana çevrildi - VİDEO

Yüksək sürətlə hərəkət edən maşın parklanan avtomobilləri bir-biri ilə toqquşduraraq zəncirvari qəzaya səbəb olub. 
Avtosfer.az-ın məlumatına əsasən, sosial şəbəkələrdə müzakirə mövzusuna çevrilən  yol-nəqliyyat hadisəsi Gəncə şəhərində baş verib. Həvəskar kamerasının lentə aldığı görüntüdən aydın olduğu kimi “Opel” markalı avtomobil 90-NZ-845 dövlət nömrə nişanlı, “VAZ-21154”  markalı və 90-CU-251 dövlət nömrə nişanlı, “Mitsubishi Pajero” markalı avtomobillərə dəyib. Maşınların parkinqi üçün nəzərdə tutulmayan yerdə dayanan maşınlar “Opel”in yoldan çıxaraq onları hədəfə salmalarına şərait yaradıb. Nəticədə ön və yan hissəsi yararsız hala düşən “VAZ-21154” qarşısında dayanan “Mitsubishi”yə dəyərək zəncirvari qəza yaradıb. Qəza səbəbkarı olan “Opel”in isə ön və arxa tərəfləri sıradan çıxıb. Olaydan daha az zədə ilə qurtulan “Mitsubishi” olub.

Nərmin