Zibil daşıyan maşın "Range Rover"lə toqquşub aşdı: fəhlə öldü - FOTO

Bakı-Sumqayıt yolunda ölümlə nəticələnən yol qəzası baş verib.

Hadisə bu gün günorta saatlarında qeydə alınıb.

Zibil daşıyan avtomobil "Range Rover"lə toqquşub və sonra idarəetmədən çıxaraq aşıb.

Hadisə zamanı maşında olan fəhlə, 1983-cü il təvəllüdlü Elman Bəybala oğlu Həzrətquliyev aldığı xəsarətlərdən hadisə yerində ölüb. 

Faktla bağlı araşdırma aparılır. (lent.az)