İranda xarici vətəndaşların olduğu “Pejo” aşdı; 8 ölü, 9 yaralı - FOTO

İranın Kirman əyalətində minik avtomobilinin iştirakı ilə ağır yol qəzası baş verib. Avtosfer.az yeli KİV-ə istinadən xəbər verir ki, hadisə sentyabrın 7-də axşam saatlarında Abarqa rayonundan 3 kilometr aralıda “Bəm – Kirman” trasında qeydə alınıb.

Məlumata görə, Əfqanıstan vətəndaşlarının olduğu “Peugeot - 405” markalı minik avtomobili, hərəkətdə olarkən sürücünün idarəetməsindən çıxaraq hündürlükdən uçurma yuvarlanıb.

Qəza nəticəsində 8 nəfər ölüb, 9 nəfər isə müxtəlif dərəcəli bədən xəsarətləri alıb.

Yaralılar, hadisə yerinə cəlb edilə 3 təcili tibbi yardım maşının köməkliyi ilə xəstəxanaya çatdırılıblar.

Bildirilir ki, ölənlər arasında bir qadın və 12 yaşlı oğlanda var.

Faktla bağlı araşdırma aparılır.

Namiq Musayev