Avtobus sürücüsü hansı istiqamət üzrə hərəkət edə bilər - DOĞRU CAVAB

Avtosfer.az saytı yol nişanları ilə bağlı yeni sualı oxuculara təqdim edir:

Hərəkət edən marşrut avtobusunun sürücüsü yolayrıcında hansı istiqamətlərə hərəkət edə bilər?

1) Düzünə və sağa

2) Yalnız düzünə

3) Düzünə və sola

4) Yalnız sağa

5) Bütün istiqamətlərə

Doğru cavab: 5) Bütün istiqamətlərə

İzah: "Yol hərəkəti haqqında" qanunun 65-ci maddəsinin III hissəsində qeyd olunub ki, 4.1.1-4.1.6 məcburi hərəkət istiqaməti nişanlarının qüvvəsi avtomobil nəqliyyatı ilə sərnişin və baqaj daşıma qaydalarına uyğun olaraq təsdiq edilmiş marşrut sxemi üzrə reyslərin yerinə yetirilməsi zamanı ümumi istifadədə olan nəqliyyat vasitələrinə şamil edilmir.

Yəni, marşrut sxemi üzrə hərəkət edən avtobus sürücüləri bu nişanların tələbindən kənara çıxaraq onlar üçün müəyyən edilmiş istiqamət üzrə hərəkət edə bilərlər.

Sualın ilk düzgün və izahlı cavabını verən Ruslan Rəsulov adlı oxucumuz “VQ LUBE” yağları tərəfindən yağdəyişmə və yağ filtri kuponu qazandı. 

Oxucumuzu Avtosfer.az saytı adından təbrik edirik!