Bir mövsümdəki ən çox qələbəsi ilə “Formula -1” rekordunu təkrarladı

“Red Bull” komandasının hollandiyalı pilotu Maks Ferstappen 2023-cü il mövsümündə “Formula -1” dünya çempionatının 18-ci mərhələsinin - ABŞ Qran Prisinin qalibi olub. 

Avtosfer.az bildirir ki, yarış Texas ştatının Ostin şəhərindəki “Trassa Amerik” trassında baş tutub.

İkinci yeri “Mercedes”dən britaniyalı Lyuis Həmilton tutub. İlk üçlüyü onun “McLaren”də çıxış edən həmyerlisi Lando Norris tamamlayıb. Verstappen “Formula-1”də çıxışı müddətində 50-ci qələbəsini qazanıb və bu göstəriciyə çatan beşinci şəxs olub. Fransalı Alen Prost (51), almanlar Sebastyan Fettel (53), Mixael Şumaxer (91) və britaniyalı Lyuis Həmilton (103) daha çox qələbə qazanıblar.

Verstappen bu il 15-ci mərhələni qazanıb, hollandiyalı sürücü 2022-ci ildə müəyyən etdiyi bir mövsümdə ən çox qələbə qazanan “Formula-1” rekorduna müəyyənləşdirib. Əvvəllər bu nailiyyət 2004 və 2013-cü illərdə hərəyə 13 dəfə qalib gələn Şumaxer və Fettelə məxsus idi.

Növbəti mərhələ oktyabrın 27-dən 29-dək Meksikada keçiriləcək.

Lent.az