Britaniyadakı "Formula 1" yarışı ləğv oluna bilər
Yarışma 11 May 2020 15:15 Oxunub 406
Britaniyadakı "Formula 1" yarışı ləğv oluna bilər
Qərarın iyunun əvvəlində qüvvəyə minəcəyi iddia olunur

"Formula 1" üzrə Britaniya Qran-prisi ləğv oluna bilər. Avtosfer.az "Report"a istinadən xəbər verir ki, bu, ölkəyə gələn şəxslərin məcburi karantinə alınması səbəbindən reallaşa bilər. Böyük Britaniyanın baş naziri Boris Conson ölkəyə təyyarə ilə gələn bütün şəxslərin 14 günlük məcburi karantinə cəlb olunacaqlarını açıqlayıb. Qərarın iyunun əvvəlində qüvvəyə minəcəyi iddia olunur. Cari mövsüm "Formula 1"i başlamaq üçün təklif olunan plana əsasən 5 - 8 iyulda Avstriya, 19 - 23 iyulda isə Britaniya Qran-prisi keçirilməlidir. Lakin komandalar iki həftəlik məcburi karantinə məruz qalsalar, Avstriyadakı Qran-pridən sonra Britaniyadakı yarışa hazırlaşa bilməyəcəklər. Yarış rəhbərliyi hökumət ilə "Formula 1" iştirakçıları üçün tədbirlərin yüngülləşdirilməsi imkanlarını müzakirə edir.

Qeyd edək ki, "Formula 1" rəhbərliyi koronavirusa görə Azərbaycanla yanaşı, Bəhreyn, Vyetnam, Çin, Niderland, İspaniya və Kanada Qran-prilərini təxirə salıb, Avstraliya, Monako və Fransa mərhələləri isə ləğv olunub. Bakıdakı yarış 5 - 7 iyunda keçirilməli idi.

ŞƏRH YAZ
Ad

E-mail

Şərh