Dairəyə daxil olan sürücü hansı dönmə işığını yandırmalıdır? - DOĞRU CAVAB

Avtosfer.az saytı manevr qaydası ilə bağlı sualın doğru cavabını və qalib olmuş oxucunun adını təqdim edir.

Sual belədir: Dairəvi hərəkət təşkil edilmiş yolayrıcına daxil olan sarı rəngli avtomobilin sürücüsü dönmə işığını hansı istiqamətə yandırmalıdır?

1) Mütləq sağa

2) Mütləq sola

3) Gedəcəyi istiqamətə uyğun yandırmalıdır

4) Dönmə işığını yandırmamalıdır

5) Düzünə gedəcəyi halda yandırmamalıdır

Doğru cavab: 1) Mütləq sağa

İzah: “Yol hərəkəti haqqında” qanunun müvafiq normalarına əsasən,  dairəyə daxil olan hər bir sürücü sonrakı hərəkət trayektoriyasından və hansı zolaqla daxil olmasından asılı olmayaraq mütləq sağa dönmə siqnalı verməlidir. Çünki o, faktiki olaraq sağa dönərək dairə boyunca olan başqa yola çıxır.

Sualın ilk düzgün və izahlı cavabını verən Tural İsmayılov adlı oxucumuz “VQ LUBE” yağları tərəfindən yağdəyişmə və yağ filtri kuponu qazandı. Oxucumuzu Avtosfer.az saytı adından təbrik edirik!