Daniel Rikkardo "Formula 1"də komandasını dəyişdi - RƏSMİ

"McLaren" "Renault" ilə müqaviləsi başa çatan avstraliyalı pilot Daniel Rikkardo ilə uzunmüddətli sözləşmə imzalayıb. Avtosfer.az-ın "Report"a istinadən məlumatına görə, Britaniya komandası həmçinin ispaniyalı sürücüsü Karlos Saynsla yollarını ayıracağını təsdiqləyib. K.Saynsı "McLaren"də məhz D.Rikkardo əvəzləyəcək.

İspan pilotun isə "Ferrari" ilə anlaşdığı iddia olunur. Bir müddət öncə Sebastyan Fettellə əməkdaşlığa son qoyan İtaliya komandasının günün ikinci yarısında Saynsın keçidini rəsmən açıqlayacağı gözlənilir.

Bundan başqa, "McLaren" bu gün digər pilotu Lando Norrisin ardıcıl 3-cü il komandada qalacağını açıqlayıb.