Dördqat dünya çempionu bahalı avtomobil aldı
Yarışma
3 Sentyabr 2020 08:00
Oxunub 1276
"Formula 1" üzrə 4 qat dünya çempionu Sebastyan Fettel lüks bolid alıb.
"Report" xəbər verir ki, almaniyalı sürücü bu barədə "Bild" nəşrinə açıqlamasında deyib.
O, "Williams" komandasının əfsanəvi pilotu Naycel Mensellin idarə etdiyi bolidə sahib olub.
Mensell 1992-ci ildə həmin bolidlə çempion olub. "Williams" bu avtomobillərdən 6-nı bir araya gətirib və onlardan biri 2019-cu ildə hərracda 3 milyon ABŞ dollarına satılıb: "Bu, dəyərli boliddir və mənim kimi beşinci nömrəyə sahibdir", - Fettel bildirib.
Qeyd edək ki, hazırda "Ferrari"də çıxış edən Sebastyan Fettel karyerası ilə bağlı qərarını verməyib. Onun müqaviləsi ilin sonunda başa çatacaq. Fettelin "Racing Point"lə müqavilə imzalayacağı iddia edilir.
ŞƏRH YAZ
DİGƏR XƏBƏRLƏR
