"Ferrari"nin eks-şefi indi təcili yardım maşını sürür

"Formula-1" yarışlarında iştirak edən Ferrari komandasının keçmiş rəhbəri Maurisio Arrivabene hazırda İtaliyada ictimai əsaslarla işləyən təcili yardım sürücüsüdür. Avtosfer.az “Sputnik Azərbaycan”a istinadən bildirir ki, 2014-2019-cu illərdə Ferrari-yə başçılıq etmiş Arrivabene pandemiya başlayandan könüllü olaraq bu sənəti seçib. O, Pirelli komandasının direktoru Mario İzolenin təşəbbüsünə qoşularaq bu addımı atıb. İzole təcili yardımda könüllü tibb işçisi kimi fəaliyyət göstərir. "Formula-1" yarışları McLaren komandasının üzvünün koronavirusa yoluxmasından sonra təxirə salınıb. Qərar Beynəlxalq Avtomobil Federasiyası tərəfindən qəbul edilib və digər komandalar bu qərarla razılaşıblar.