“Formula 1”: Məcburi fasilə müddəti uzadıldı

Beynəlxalq Avtomobil Federasiyası (FIA) “Formula 1” komandaları və mühərrik istehsalçıları üçün məcburi fasiləni uzadıb. Avtosfer.az-ın “Report”a istinadən xəbər verir ki, bu müddət 21 gündən 35 günədək artıb. Qərarın FIA və “Formula 1” tərəfindən təsdiqləndiyi vurğulanıb.

Qeyd edək ki, “Formula 1” komandaları işlərini martın 30-da dayandırıb. Bu mövsüm yarış keçirilməyib. Daha əvvəl "Formula 1" rəhbərliyi koronavirusa görə Monakodakı yarışı ləğv edib. Azərbaycanla yanaşı, Avstraliya, Bəhreyn, Vyetnam, Çin, Hollandiya, İspaniya və Kanada Qran-priləri təxirə salınıb. Azərbaycan Qran-prisi 5 - 7 iyunda keçirilməli idi.