"Formula 1" pilotu Səudiyyə Ərəbistanı QRAN-PRİSİNİ BURAXACAQ

"Ferrari" komandasının pilotu Karlos Sayns "Formula 1" üzrə Səudiyyə Ərəbistanı Qran-prisini səhhətində problem yarandığı üçün buraxacaq.

Həkimlər tərəfindən appendisit diaqnozu qoyulan 29 yaşlı pilotu 19 yaşlı ehtiyat sürücü Oliver Birman əvəz edəcək.

Saynsın son iki gündə sınaq yarışları zamanı vəziyyəti pisləşib. O, tezliklə əməliyyat olunacaq.

Qeyd edək ki, Səudiyyə Ərəbistanı Qran-prisi martın 9-da, saat 21:00-da Ciddə şəhərində keçiriləcək. ("Report")