"Formula 1" pilotu sıralama turunda etdiyi hərəkətə görə cəzalandırılıb
Yarışma
23 Mart 2024 17:00
Oxunub 642
"Formula 1" pilotu Serxio Peres Avstraliya Qran-prisinin sıralama turunda etdiyi hərəkətə görə cəzalandırılıb.
"Report" xəbər verir ki, bu barədə yarışın stüardları açıqlama yayıblar.
"Red Bull"un üzvü sürətli dövrədə "Haas"ın pilotu Niko Hyulkenberqin qarşısını kəsib. Bildirilib ki, "Red Bull" komandası bununla bağlı sürücüyə gec xəbərdarlıq edib.
Sıralama turunu 3-cü başa vuran S.Peres bu səbəbdən martın 24-də baş tutacaq əsas yarışa 6-cı başlayacaq. "Maklaren" pilotu Lando Norris 3-cü, "Ferrari" komandasının üzvü Şarl Lekler 4-cü start götürəcək.
Qeyd edək ki, Melburnda keçirilən sıralama turunu "Red Bull" pilotu Maks Ferstappen birinci bitirib. "Ferrari" komandasının üzvü Karlos Sayns ikinci olub.
ŞƏRH YAZ
DİGƏR XƏBƏRLƏR
