“Formula-1” üzrə Braziliya Qran-Prisi tamaşaçılar önündə keçiriləcək

Yarışma 1 İyun 2020 08:21 Oxunub 1350
“Formula-1” üzrə Braziliya Qran-Prisi tamaşaçılar önündə keçiriləcək
WhatsApp kanalımıza abunə ola bilərsiniz

“Formula-1” üzrə dünya çempionatının Braziliya Qran-Prisi tamaşaçılar önündə keçiriləcək. Yarışın promouteri Tamas Roxoni koronavirus pandemiyasına baxmayaraq, tribunların tamaşaçıların üzünə açıq olacağını açıqlayıb.

O bildirib ki, noyabrın 13-15-də keçirilməsi planlaşdırılan mərhələyə hazırlıq işləri aparılır. Bilet satışı isə yarışın tarixinin Beynəlxalq Avtomobil Federasiyası (FİA) tərəfindən təsdiqlənməsindən sonra başlayacaq.

Qeyd edək ki, “Formula-1” üzrə dünya çempionatının cari mövsümü hələ start götürməyib. Niderland, Avstraliya, Monako və Fransa Qran-Priləri ləğv olunub, Bəhreyn, Vyetnam, Çin, İspaniya, Azərbaycan və Kanada mərhələləri qeyri-müəyyən müddətə təxirə salınıb. (APA)

ŞƏRH YAZ
Ad

E-mail

Şərh