“Formula-1”in testləri vaxtından əvvəl dayandırıldı: Şarl Lekler hələlik protokollara başçılıq edir - FOTO

Bəhreyn Beynəlxalq Avtodromunda dünən başlayan “Formula-1”in mövsümöncəsi testlərin ikinci günü başlayıb. Amma testlərin səhər sessiyası “Ferrari”nin moneqask sürücüsü Şarl Leklerin drenaj kanalının qapağını sındırması üzündən yarımçıq dayandırılıb.

Qeyd edək ki, “Mersedes” komandasının sürücüsü Lyuis Hemilton daha əvvəl eyni yerdə qapağın üzərindən keçib və onu yerindən çıxarıb. Daha sonra isə Lekler qapağı tam sındırıb. Hadisə yerinə gələn trekin əməkdaşları qapağın bərpasının uzun müddət tələb etdiyini bildiriblər. Ona görə də nahar fasiləsi bir saat əvvələ çəkilib, nahardan sonra isə komandalar trasda beş saat işləyəcəklər.

Səhər sessiyasının protokollarına isə elə Lekler başçılıq edib. Moneqask sürücü fasiləyə qədər 36 dövrə vura bilib və ən yaxşı dövrəsini 1 dəqiqə 31,750 saniyəyə başa vurub.

“Maklaren” komandasının avstraliyalı sürücüsü Oskar Piastri sessiyanı ikinci yerdə tamamlayıb. İlk üçlüyü isə “Uilyams” komandasından Loqan Sarcent tamamlayıb. 

Nahardan sonra yeddi komandada sürücü dəyişikliyi gözlənilir, yalnız “Red Bull”, “Mersedes” və “Uilyams” səhər işlədiyi sürücülərlə testlərə davam edəcəklər.

Bəhreyndə “Formula-1”in mövsümöncəsi testləri. Səhər sessiyası:

1. Şarl Lekler (“Ferrari”) - 1:31,750 (36 dövrə)

2. Oskar Piastri (“Maklaren”) - 1:32,328 (35)

3. Loqan Sarcent (“Uilyams”) - 1:32,578 (30)

4. Serxio Peres (“Red Bull”) - 1:32,879 (20)

5. Fernando Alonso (“Aston Martin”) -  1:33,053 (31)

6. Lyuis Hemilton (“Mersedes”) - 1:33,225 (39)

7. Quanyu Çjou (“Steyk”) - 1:33,715 (38)

8. Pyer Qasli (“Alpin”) - 1:33,804 (33)

9. Niko Hülkenberq (“Haas”) - 1:37,509 (31)

10. Yuki Tsunoda (“Visa RB”) - 1:38,074 (40)

oxu.az