Maks Ferstappen: “Uğurlu seriyamda Azərbaycan Qran-prisi həlledici rol oynadı”

“Uğurlu seriyamda Azərbaycan Qran-prisi həlledici rol oynadı”.

Avtosfer.az-ın məlumatına görə, bunu “Formula 1” üzrə dünya çempionatında çıxış edən “Red Bull” komandasının pilotu Maks Ferstappen deyib.

Niderland Qran-prisində finişə birinci çataraq, ardıcıl 9-cu dəfə mərhələnin qalibi olan və tarixi rekordu təkrarlayan təcrübəli sürücü sonuncu dəfə Azərbaycanda təşkil olunan mərhələdə fəxri kürsünün ən yüksək pilləsinə qalxmadığını xatırladıb.

26 yaşlı idmançı bunun karyerasının növbəti dönəminə müsbət təsir göstərdiyini bildirib: “Bakıdakı yarışda avtomobildə bəzi şeyləri necə edəcəyimi öyrəndim. Düzdür, Bakıda ikinci yeri tutdum. Amma orada avtomobildə müxtəlif alətlər sınadım. Bu, yarışda mənə problem yaratsa da, sonrakı mərhələlərdə xeyrini gördüm”.

Qeyd edək ki, aprelin 30-da keçirilən Azərbaycan Qran-prisini “Red Bull”un digər pilotu Serxio Peres qazanıb. Maks Ferstappen hazırda 339 xalla sürücülərin yarışına liderlik edir. İkinci sıradakı Serxio Peresin hesabında 201 xal var.

Report