Qələbədən qələbəyə: yol polisinin övladından yeni medal - VİDEO - FOTO

Dəfələrlə beynəlxalq yarışlarda ölkəmizi təmsil edərək qələbələr qazanmış idmançı Emili Rzayeva yenidən qalib olub. 

Avtosfer.az xəbər verir ki, iyulun 21-də Polşada keçirilən 3-cü Avropa oyunlarında Tayland boks növü üzrə Azərbaycan milli komandasının təmsilçisi,  16 yaşlı Emili Rzayeva özündən 25 yaş böyük idmançılarla döyüşərək ölkəmizə bürünc medal qazandırıb.

Qeyd edək  ki, Emili gənc olmasına baxmayaraq artıq bir neçə döyüş idman növü üzrə Dünya və Avropa çempionu, 4 döyüş idman növü üzrə İdman ustasıdır.

Medalını 2 iyul "Polis günü" münasibəti ilə atası və Azərbaycan polislərinə hədiyyə edən Emili hər birimizin fəxridir.

Xatırladaq ki, Emilinin atası və eyni zamanda şəxsi məşqçisi Bakı şəhər Dövlət Yol Polisi İdarəsinin YPX Alayının fiziki hazırlıq üzrə baş inspektoru polis polkovnik-leytenantı Emil Rzayevdir.

Biz də Avtosfer.az olaraq Emili və onun ailəsini təbrik edirik.

Orxan