Sürücü oxla göstərilmiş yerdə dayana və ya dura bilər? - DOĞRU CAVAB

Avtosfer.az saytı dayanma-durma qaydası ilə bağlı yeni sualı və doğru cavabı təqdim edir: Sürücü yolun kənarına quraşdırılmış bu nişandan sonra göstərilən yerdə dayana və ya dura bilər?

1) Yalnız sərnişin düşürmək məqsədilə dayana bilər

2) Yalnız nasazlıq səbəbindən dayana bilər

3) Həm dayana, həm də dura bilər

4) Hər ikisi qadağandır

Doğru cavab: 3) Həm dayana, həm də dura bilər.

İzah: Yolun kənarına quraşdırılmış 5.1 nişanı avtomagistral yolun olduğunu bildirir. Qanunvericiliyə görə, bu nişanla işarələnmiş yolda dayanma və durma qadağandır. Lakin 5.1 nişanı ilə birgə quraşdırılmış 7.1.1 obyektə qədər məsafə lövhəciyi bildirir ki, avtomagistral yol 1000 metrdən sonra başlayır. Deməli, fotoda oxla göstərilmiş yer avtomagistral olmadığı üçün sürücünün həmin yol sahəsində dayanması və durması qaydalar çərçivəsində olacaqdır.

Bu dəfə suala düzgün cavab verilmədiyindən qalib şəxs seçilmədi.