Sürücü yolayrıcında hansı istiqamət üzrə hərəkət edə bilər? - DOĞRU CAVAB

Avtosfer.az saytı manevr qaydası ilə bağlı yeni sualı və qalib olmuş şəxsin adını oxuculara təqdim edir:

Sürücü yolayrıcında göstərilmiş hansı istiqamətlər üzrə hərəkət edə bilər?

1) Yalnız A

2) A və B

3) A və C

4) B və C

5) Bütün istiqamətlərə

Doğru cavab: 1) Yalnız A

İzah: Yolun kənarında quraşdırılmış xəbərdarlıq nişanı və altındakı lövhəcikdən məlum olur ki, 300 metrdən sonra ikitərəfli yol başlayacaq. Deməli sürücü hələ ki, birtərəfli yolda hərəkət etmiş sayılır. Bu səbəbdən də birtərəfli yolda geriyə dönmək birmənalı olaraq qadağandır. Sola dönmək üçün isə sürücü kənar vəziyyət seçməli idi. "Yol hərəkəti haqqında" qanunun 42-ci maddəsində qeyd olunub ki, sağa və sola dönən sürücü həmin istiqamətdə müvafiq kənar vəziyyət seçməlidir. Sürücü sola dönmək üçün kənar vəziyyət seçmədiyi üçün yalnız A istiqaməti üzrə hərəkət edə bilər.

Sualın ilk düzgün cavabını verən Mariya Mustafayeva adlı oxucumuz “VQ LUBE” yağları tərəfindən yağdəyişmə və yağ filtri kuponu qazandı. 

Oxucumuzu Avtosfer.az saytı adından təbrik edirik!