Yolayrıcında kim yol verməlidir? - DOĞRU CAVAB

Avtosfer.az saytı ötən həftə 156 Evakuasiya xidmətinin təqdim etdiyi sualın doğru cavabını və qalib olmuş oxucunun adını təqdim edir. Sual belədir:
 

Yolayrıcında kim yol verməlidir?

1) Sarı avtomobilin sürücüsü

2) Qırmızı avtomobilin sürücüsü

3) Qaydalarda belə hal müəyyənləşdirilmədiyi üçün sürücülər öz aralarında razılığa gəlməlidir

4) Stop nişanı olduğu üçün sarı avtomobilin sürücüsü

Doğru cavab: 2) Qırmızı avtomobilin sürücüsü

İzahı:  Hər ​iki sürücünün qarşısında quraşdırılmış nişan baş yolda hərəkət edən sürücülərə yol verməyi tələb edir. Qırmızı avtomobilin qarşısında quraşdırılmış 2.4 (yol ver) və sarı avtomobilin qarşısında quraşdırılmış 2.5 (stop) nişanı eyni statusa malik olduğu üçün hər iki sürücü eyni əhəmiyyətli yolda hərəkət etmiş olurlar.

“Yol Hərəkəti Haqqında” Qanunun 77-ci maddəsinin III hissəsində qeyd olunub ki, eyni əhəmiyyətli yolların kəsişdiyi yolayrıcında relssiz nəqliyyat vasitəsinin sürücüsü sağdan yaxınlaşan nəqliyyat vasitələrinə yol verməlidir. Qanunun tələbinə görə qırmızı avtomobilin sürücüsü sağdan yaxınlaşan sarı avtomobilin sürücüsünə yol verməlidir.

Sualın ilk düzgün və izahlı cavabını verən Əhməd Əhmədli adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!