Azərbaycanlı sürücüləri gələn ilin aprelində nə gözləyir? - FOTO

Rusiya Federasiyasında sürücülük vəsiqələri ilə bağlı qanuna dəyişiklik edilib.

Avtosfer.az xəbər verir ki, dəyişiklik 1 aprel 2024-cü ildə qüvvəyə minəcək.

Yeni qanuna görə Rusiyadan kənarda sürücülük vəsiqəsi alan şəxsin (əcnəbi, apatrid və ya RF vətəndaşı) sənədi bu qanun qüvvəyə mindikdən 1 il sonra etibarsız sayılacaq. Bu tarixədək xaricdə alınmış sürücülük vəsiqələri etibarlılıq müddəti bitmədiyi təqdirdə Rusiya vəsiqəsi ilə imtahansız dəyişdiriləcək. Qərar yalnız Belarusda verilmiş vəsiqələrə şamil edilmir.

Azərbaycan vətəndaşlarına gəldikdə:
Rusiyaya səfər edən və ya yük daşımaları ilə məşğul olan, bu ölkədə yaşamayan (yaşayış icazəsi almayan) şəxslərin vəsiqələri ilə bağlı heç bir problem yoxdur. Onlar Rusiyaya yük apardıqda, şəxsi avtomobili ilə getdikdə və ya avtomobil icarəyə götürdükdə Azərbaycan Respublikasında aldıqları sürücülük vəsiqəsini istifadə edə bilərlər.