Bu küçənin velosiped yollarında təhlükəsizlik səddi quraşdırıldı - FOTO

Mikromobillik zolaqlarında təhlükəsizliyin artırılması ilə bağlı tədbirlər davam etdirilir. 
Avtosfer.az xəbər verir ki, AYNA tərəfindən əhalinin mikromobillik vasitələrindən istifadə marağını nəzərə alaraq, bunun insanların sağlamlığı və ətraf mühitin mühafizəsi baxımından əhəmiyyətini artırmaq məqsədilə paytaxt küçələrində mikromobillik zolaqları təşkil edilir. Eyni zamanda mikromobillik zolaqlarında təhlükəsizliyin artırılması ilə bağlı davamlı tədbirlər görülməkdədir.
Görülən işlər çərçivəsində paytaxtın Xəqani Rüstəmov küçəsində velosiped yollarında təhlükəsizlik səddinin quraşdırılması həyata keçirilib. Avtomobillərlə yarana biləcək münaqişəli nöqtələrin aradan qaldırılması üçün təhüləsizlik sədlərinin quraşdırılması davam etdiriləcək.