Dərmanların dronlarla çatdırılması üçün yeni qaydalar hazırlanır

Böyük Britaniyada qanunvericilikdə ediləcək dəyişikliklərə əsasən, dronların operatorun birbaşa görmə məsafəsindən kənarda uçmasına icazə verilə bilər.

Avtosfer.az “Azərtac”a istinadla xəbər verir ki, bu dəyişikliklər qəbul edilərsə, dronlar vasitəsilə uzaq bölgələrə reseptlə dərman çatdırılması, dənizdəki külək turbinlərinə və neft platformalarına texniki baxışların keçirilməsi mümkün olacaq. Hazırkı qaydalara görə, dronların yalnız operatorun birbaşa nəzarətində olması tələb olunur, bu isə onların uzun məsafələrə uçuşunu mümkünsüz edir.

Yeni qaydaların 2026-cı ildən etibarən qüvvəyə minməsi nəzərdə tutulur. Bu da ilk mərhələdə əsasən uzaq, sıxlığın az olduğu ərazilərdə və açıq su sahələri kimi aviasiya mühitlərində tətbiq ediləcək.

Yeni qaydalar qəbul edilərsə, Britaniyada dronların səhiyyə sistemində istifadə imkanları genişlənəcək və bu texnologiya bir sıra sahələrdə operativliyi əhəmiyyətli dərəcədə artıracaq.