Düyməli telefonlarda “WhatsApp”la pulsuz zənglər istifadəyə verilib
Yeniliklər
10 İyun 2021 21:50
Oxunub 1674
“WhatsApp” messencerinin tərtibatçıları “KaiOS” əməliyyat sisteminin idarəetməsi altında işləyən düyməli telefonlar üçün yeniləmə çıxarıb. “Nokia” şirkətinin istehsalı olan ucuz aparatların böyük hissəsi bu sistemdən istifadə edirlər.
Yeniləmə sözügedən əməliyyat sisteminə pulsuz zənglər etmək imkanı əlavə edib. Lakin yeni funksiya yalnız “WhatsApp” messencerində işləyir, yəni hər iki abunəçidə sözügedən messencer quraşdırılmalıdır.
Zənglər ya “Wi-Fi”, ya da mobil internet vasitəsilə həyata keçirilir.
Qeyd edək ki, “KaiOS” əməliyyat sistemində “YouTube”, “Google” axtarış sistemi və hətta “Duo” səsli çatı əlçatandır. /“ICTnews”
ŞƏRH YAZ