“Instagram”da yeni funksiya işə salınır

"Instagram" sosial şəbəkəsi təhlükəsizlik yoxlanışı (Security Checkup) funksiyasını işə salır.

Avtosfer.az ted.az-a istinadən bildirir ki, bu barədə şirkətdən yayılan məlumatda bildirilib.

Qeyd olunub ki, yeni funksiya istifadəçi hesablarının daha etibarlı qorunması üçün nəzərdə tutulub.

Yeniliyə əsasən, şəxsi hesabı kənar müdaxilə təhlükəsi altında olan istifadəçilərə bir neçə pillədən ibarət təhlükəsizlik yoxlanışı keçmək təklif olunacaq. Bu funksiya sayəsində səhifə sahibi hesaba müdaxilənin olub-olmamasını yoxlaya biləcək.