NASA Marsa 4 il davam edəcək səyahət üçün nəqliyyat sistemi təqdim etdi

NASA, təxminən 1200 gün çəkəcək Marsa səyahət üçün yeni nəqliyyat sistemi haqqında təfərrüatları paylaşıb.

Avtosfer.az bildirir ki, sistemə Mars Transit Habitat (MTH) modulu daxildir və bütün səyahət üçün dörd ekipaj üzvünü daşıyacaq.

MTH, NASA-ya Marsa missiyalara hazırlaşmağa kömək edəcək Artemis Ay Baza Düşərgəsi ilə birlikdə işləyəcək.

Simulyasiya mərhələsində ekipaj MTH ilə ya birbaşa, ya da NASA-nın Gateway adlanan Ay kosmik stansiyası vasitəsilə əlaqə saxlayacaq. Sonra Aya enib, Marsda işləyirmiş kimi orada işləyəcəklər.

Səthdəki missiyaları tamamladıqdan sonra astronavtlar Mars Moduluna qayıdacaq və Yerə qayıdış simulyasiyasını həyata keçirəcəklər.

Qeyd etmək lazımdır ki, Mars missiyası zamanı ekipajla ünsiyyət 24 dəqiqəyə qədər davam edə biləcək uzun gecikmələr səbəbindən çətin olacaq.

Bundan əlavə, ekipaj gələnə qədər səth modulları çox vaxt bir neçə ay səthdə hərəkətsiz qalmalıdır.

Leyla