Şərurda şəhərdaxili avtomobil yolu əsaslı təmir olunur - FOTO

Naxçıvan Muxtar Respublikası Avtomobil Yolları Dövlət Agentliyi tərəfindən uzunluğu 5,2 kilometr olan Şərur şəhərdaxili avtomobil yolunda əsaslı təmir işləri aparılır.

Avtosfer.az bu barədə Agentliyə istinadən xəbər verir.

Bildirilib ki, hazırda avtomobil yolunda torpaq işləri aparılır, yol yatağı genişləndirilir.

Qeyd edək ki, aparılan təmir işləri çərçivəsində avtomobil yoluna 2 qat asfalt örtüyü döşənəcək. Məqsəd ilin bütün fəsillərində vətəndaşların və avtomobillərin rahat hərəkətini təmin etməkdir.