Sinqapurda ictimai nəqliyyatda yeni qadağalar: Cərimələr 4 min dollara çatır

Sinqapur hökuməti avtobuslarda ictimai asayişin pozulmasına görə təxminən 400 dollar məbləğində cərimə tətbiq edir.

Avtosfer.az xəbər verir ki, bu barədə Sinqapurun Yerüstü Nəqliyyat İdarəsinin dərc etdiyi məlumatda bildirilir.

Yeni qaydalar sentyabrın 23-dən qüvvəyə minəcək.

Bildirilir ki, ictimai nəqliyyatda yüksək səslə musiqi dinləmək, qida qəbul etmək, zibil atmaq və ayaqları oturacaqların üzərinə qoymaq qadağan ediləcək. Bu cür əməllərə yol verən sərnişinlər cərimələnə bilərlər.

Sərnişinlərin həyatına təhlükə yaratmaq və ya nəqliyyat vasitələrini çirkləndirmək kimi daha ciddi qayda pozuntuları isə təxminən 3 900 dollar məbləğində cərimə ilə nəticələnəcək.