Türkiyədən Çinə gedən qatar Bakıdadır

Türkiyədən Çinə ixrac yükləri daşıyan ilk konteyner qatarı Bakıdadır.

Avtosfer.az-ın məlumatına görə, hər biri 40 futluq olmaqla ümumilikdə 42 konteynerdən ibarət və məişət texnikası daşıyan konteyner qatarı Türkiyə daxilində İstanbul (Marmara)-Köseköy-Ankara-Sivas-Qars xətti ilə hərəkət edərək, Axalkalaki stansiyasından ölkə xaricindəki nəqliyyat şəbəkəsinə qoşulub.

Qatar Bakı-Tbilisi-Qars dəmiryolu xətti ilə hərəkət edərək Xəzər dənizi üzərindən Qazaxıstana, oradan isə Çinin Sian şəhərinə yollanacaq.