Yol nişanlarını “oxumağı” bacaran avtomobillər

Özünü idarə edən avtomobillər üçün texnologiya hazırlayan “Mobileye” şirkəti icazə verilən hərəkət sürətini təyin edə bilən yeni sistem təqdim edib.

Avtosfer.az bildirir ki, yenilik təkcə sürət həddi işarələrindəki rəqəmləri avtomatik oxumur, həm də uşaqların oynadığına işarə edən təsvirli işarələri deşifrə edə və avtomobilin sürətini buna uyğun tənzimləyə bilər.

Mobileye sistemi artıq Aİ-nin 27 ölkəsində, həmçinin İsrail, Norveç, İsveçrə və Türkiyədə sertifikatlaşdırılıb.

Bu, Aİ-də bütün yeni avtomobillərin real vaxt rejimində sürət sensorları ilə təchiz edilməsini tələb edən yeni ümumi təhlükəsizlik standartlarının tətbiqi fonunda baş verib.

Qeyd edək ki, təkmil EyeQ platformasına əsaslanan Mobileye-nin ISA sistemi sürətli qərarların qəbul edilməsində ixtisaslaşmış proqram təminatı dəstidir.

Leyla