Turistlərin xilas etdiyi dəmir yolu xətti - FOTO

Vyetnamın paytaxtı Hanoyun ən maraqlı məkanlarından biri də köhnə dəmir yolu xəttinin keçdiyi ərazidir. 

Avtosfer.az xəbər verir ki, Qatar küçəsi adlanan ərazi hər il on minlərlə turisti cəlb edir. Dəmir yolu xətti boyunca uzanan kafe və butiklərin gəlir mənbəyi turistlərdir. Çox adam bura məhz qatara tamaşa etmək üçün gəlir. Butik və kafelər o qədər sıx yerləşib ki, qatara toxunmaq mümkündür. Öz vətənində relslərin üzərinə çıxmağı ağıllarına belə gətirməyən avropalılar burada qatar xətti üzərində sərbəst gəzirlər.

Maraqlı budur ki, hökumət təhlükəsizliyi əsas gətirərək dəfələrlə xətti sökməyə təşəbbüs göstərib. Lakin hər dəfə turistlərə görə söküntü təxirə salınıb. Xətt söküləcəyi təqdirdə minlərlə hanoylu işsiz qalacaq. Turistlər isə şəhərdən üz döndərəcək. 

Bu xətt Fransa müstəmləkə imperiyasının 1900-cü illərdə çəkdiyi Hind-Çin dəmir yolunun bir hissəsidir. Yol Laos və Kambocaya yüklərin daşınmasında istifadə edilib.

Vüqar Yaşaroğlu