Bir yolda 10 dəqiqə ara ilə iki ağır qəza – 2 ölü, 4 yaralı - VİDEO

Dörd nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, Rusiyanın Rostov vilayətində baş verən hadisə videoregistratora düşüb. Belə ki, 63 yaşlı sürücü idarə etdiyi “Volkswagen Amarok” markalı avtomobillə hərəkətdə olarkən ötmə əməliyyatı zamanı qarşıdan gələn qoşqulu “Toyota Land Cruiser 200” ilə toqquşub. Qəza nəticəsində hər iki nəqliyyat vasitəsinin sürücüsü hadisə yerində ölüb.

Bu küçədə hərəkət birtərəfli olacaq - Maşınlar bir-birinə maneə yaradır

Birinci qəzadan 10 dəqiqə sonra, “VAZ-2110” markalı avtomobil baş verən hadisəyə kömək etmək üçün dayanan “Mitsubishi Outlander”ə arxadan  çırpılıb.
Bu qəzada 4 nəfər müxtəlif dərəcəli bədən xəsarətləri ilə xəstəanaya çatdırılıblar.
Faktla bağlı araşdırma aparılır.
Qeyd edək ki, bu cür qəzalar yollarda diqqətsizliyin və təhlükəsizlik qaydalarına riayət edilməməsinin nə qədər acınacaqlı nəticələrə səbəb ola biləcəyini göstərir. Xüsusilə də, ikinci toqquşma göstərir ki, yol qəzası baş verən ərazidə köməyə gələn sürücülərin özlərinin də əlavə təhlükəsizlik tədbirləri görmələri (qəza işıqlarını yandırmaq, qəza nişanını qoymaq və s.) həyati əhəmiyyət daşıyır.
Sözügedən birinci qəzanın görüntülərini təqdim edirik:

Namiq Musayev