Düzgün işləməyən svetofor sürücüləri çaş-baş salır - ŞİKAYƏT - VİDEO

Bakıda düzgün rejimdə işləməyən svetofor sürücüləri çaş-baş salır. Avtosfer.az xəbər verir ki, söhbət paytaxtın Abbasqulu Abbaszadə küçəsilə Badamdar şosesinin kəsişməsindən gedir. Belə ki, A.Abbaszadə küçəsilə hərəkət edən sürücülər svetoforun əlavə bölməsinin yanıb söndüyünü görərək dayanırlar. Əlavə bölmə söndükdən 3-4 saniyə sonra yenidən yanır. Buna əhəmiyyət verməyən sürücülər sağa dönənlərin yolunu kəsirlər. Bu isə sıxlığa və ləngimələrə yol açır.

Qeydə alınan videodan da aydın şəkildə görünür ki, 77-XQ-859 qeydiyyat nişanlı "KIA" markalı avtomobilin sürücüsü əlavə bölmənin sonradan yanmasına əhəmiyyət vermədiyi üçün görüntünü qeydə alan avtomobilin yolunu kəsib.

Qeyd edək ki, burada svetoforun düzgün rejimdə işləmədiyi aydın şəkildə görünür. Ümid edirik ki, aidiyyatı qurumlar tez bir zamanda yaranmış nöqsanı aradan qaldıracaq.

Fərid