Əyləcində nasazlıq yaranan yük maşını 15 avtomobili əzib aşdı - VİDEO

Əyləcində nasazlıq yaranan yük maşını 15 avtomobilə zərər vurub. Avtosfer.az xəbər verir ki, hadisə Türkiyənin Malatya şəhərində baş verib. Məlumata görə, Battalgazi rayonunda hərəkətdə olan çınqıl daşıyan yük maşınının əyləcində nasazlıq yaranıb. Sürücünün idarəetməsindən çıxan maşın işıqforun qırmızı işığında gözləyənə və yol kənarında park edilmiş ümumilikdə 15 nəqliyyat vasitəsinə çırpılıb və daha sonra aşıb.

Qəza nəticəsində 5 nəfər xəsarət alıb, yaralılar təcili yardım maşınları ilə xəstəxanaya yerləşdiriliblər.

Bundan əlavə, 15 avtomobilə də ciddi ziyan dəyib.

Hadisə ilə bağlı araşdırma aparılır.

Namiq Musayev