Yük qatarlarından 22 milyon dollarlıq oğurluq: Qeyri-adi qarət sxemi - VİDEO

ABŞ-nin Cənubi Kaliforniya ştatında federal prokurorluq yük qatarlarından kütləvi oğurluq hadisələri ilə bağlı 14 nəfər barəsində ittiham irəli sürüb.
Avtosfer.az "RİA Novosti"yə istinadən xəbər verir ki, qrup üzvləri iki il ərzində ümumi məbləği 22 milyon ABŞ dollarını aşan idman ayaqqabıları, "Milwaukee" alətləri, "JBL" avadanlıqları və digər məhsulları ələ keçiriblər.
İstintaq materiallarına əsasən, cinayətkar şəbəkəyə Şərqi Los-Ancelesdən olan 21 yaşlı Natan Endcel başçılıq edib. İttiham olunan şəxslər siyahısında onun atası və iki əmisinin də adı keçir.
Dəstə üzvləri içərisində bahalı mallar olan qatarları müəyyənləşdirdikdən sonra əyləc sisteminin hava şlanqlarını kəsərək onları saxlayıblar. Qatar yolda dayandığı müddətdə mallar yük maşınlarına və furqonlara daşınıb, oradan da xüsusi yerlərə aparılıb. Ələ keçirilən əşyaları isə vasitəçilər satıblar.
Hüquq-mühafizə orqanlarının məlumatına görə, təkcə bir firma bir neçə ay içində oğurlanmış ayaqqabılar və digər əşyalar üçün təqribən 1.08 milyon dollar vəsait ödəyib.
Şəbəkə iştirakçıları əldə etdikləri malların və pul dəstlərinin şəkillərini də sosial şəbəkələrdə paylaşıblar. Onlar öz aralarında əlaqə saxlamaq və fəaliyyətlərini tənzimləmək üçün "Instagram" platformasında yaradılmış "Los Trenes" adlı qrup çatından yararlanıblar.
Prokurorluğun bildirdiyinə görə, qeyri-qanuni fəaliyyət sxemi 2024-cü ilin fevralından 2026-cı ilin avqustuna kimi davam edib. İttiham olunan 14 nəfərdən 13-ü artıq həbs edilib. Məhkəmə tərəfindən təqsirli bilindikləri təqdirdə, onları ayrı-ayrı maddələr üzrə ömürlük azadlıqdan məhrumetmə də daxil olmaqla, uzunmüddətli həbs cəzaları gözləyir.
Taksi sürücüsü olmaq istəyənlərin NƏZƏRİNƏ
DTX-dən silahlı birləşməyə qarşı əməliyyat: Həbs edilənlər var - FOTO
Gülarəni öldürməkdə şübhəli bilinən gənclə bağlı yeni faktlar: Atası danışdı
Dövlət qurumlarının iş vaxtı dəyişdi: İki aylıq sınaq tıxacı azaltdımı?
Avtobuslar üçün ayrıca işıqforlar neçə marşrutu əhatə edəcək? - AÇIQLAMA
Bakıda bəzi yollarda hərəkət məhdudlaşdırılacaq
Tonlarla şokolad və peçenyeni oğurlayıb satdı, puluna yük maşını aldı
“Avtobusu yük maşını kimi sürür, siqaret çəkir, söyüş söyür” – 7 və 7A-dan ŞİKAYƏT
General Natiq Əliyevin qızı ilə bağlı qərar verildi
Azərbaycanda qurum rəhbəri 6000 manat maaş alacaq
Gəlir vergisinin artması taksi qiymətlərinə təsir etməyəcək - EKSPERT












