Masazırda sürücülər əks yola axışdı: Maşınlar yaşıl işıqda belə keçə bilmədi - VİDEO

Masazır qəsəbəsi, Nizami Məmmədov küçəsində sürücülərin kütləvi şəkildə yol hərəkəti qaydalarını pozması kameraya düşüb.

Avtosfer.az-a müraciət edən izləyici hadisə ilə bağlı videomaterial göndərib. Kadrlardan görünür ki, 77-VZ-970 dövlət qeydiyyat nişanlı “Changan” markalı, “Ford” markalı, 10-YD-552 dövlət qeydiyyat nişanlı “Nissan” markalı və digər avtomobillər əks istiqamətli hərəkət zolağına çıxıblar.

Nəticədə onlar qarşıdan gələn nəqliyyat vasitələrinin hərəkətinə əngəl törədiblər. Daha sonra öz zolaqlarına qayıtmaq üçün manevr edən avtomobillər bu dəfə həmin istiqamətdə hərəkət edən sürücülərin ləngiməsinə səbəb olublar.

Nəticədə avtomobillər işıqforun yaşıl işığı zamanı yolayrıcından keçə bilməyib və növbəti yaşıl işığın yanmasını gözləməli olublar. Bu isə küçədə hərəkətin daha da çətinləşməsinə və xaotik vəziyyət yaranmasına səbəb olub.

İzləyici qeyd edib ki, sözügedən küçədə oxşar mənzərə demək olar ki, hər gün təkrarlanır.

Nərmin