Skuterlə qırımızıdan keçən 16 yaşlı qızı maşın vurdu - VİDEO

Nizamlanan piyada keçidində işıqforun qırmızı işıqından keçən skuterli qızı avtomobil vurub. Avtosfer.az xəbər verir ki, Rusiyanın Sankt-Peterburq şəhərində baş verən hadisənin görüntüləri təhlükəsizlik kamerası tərəfindən qeydə alınıb.

Belə ki, şəhərin Babuşkina küçəsində 56 yaşlı sürücü idarə etdiyi avtomobillə hərəkətdə olarkən piyada keçidində elektrikli skuterlə yolun qarşı tərəfinə keçmək istəyən 16 yaşlı qızı vurub.

Zərbənin təsirindən yeniyetmə havaya qalxaraq bir neçə dəfə fırlanıb və asfalta çırpılıb.

Qəza nəticəsində xəsarət alan 16 yaşlı qız ağır vəziyyətdə xəstəxanaya yerləşdirilib.

Polisin yerli mediaya verdiyi məlumata görə, qızın idarə etdiyi elektrikli skuter icarə olub və o, nizamlanan piyada keçidində işıqforun qırmızı işığından keçib.

Sözügedən hadisənin anbaan videosunu təqdim edirik:

Namiq Musayev