Təcili yardıma yol verməyən sürücünün avtomobili yandırıldı - VİDEO

Təcili tibbi yardımın yolunu kəsən avtomobil yandırılıb. Avtosfer.az xəbər verir ki, Rusiyanın Yekaterinburq şəhərində baş verən hadisənin görüntüləri həvəskar kamera tərəfindən qeydə alınıb. Belə ki, “Kuba” çimərliyi yaxınlığında park edilən “Subaru Forester” markalı avtomobil təcili yardımın hərəkətinə mane olub. Ətrafdakı insanlar “Subaru”nun sahibinə zəng vuraraq avtomobilini oradan çəkməsini istəyiblər. Lakin avtomobil sahibi buna məhəl qoymayıb. Nəticədə avtomobil ətrafdakı insanlar tərəfindən yandırılıb.

Hadisə yerinə çağırılan yanğınsöndürənlər yanğını qısa müddətdə söndürsələr də, avtomobil yanaraq yarasız vəziyyətə düşüb.

Sözügedən hadisənin videosunu təqdim edirik:

Namiq Musayev