“Audi” avtomobillərini geri çağırır: Yan hava yastıqları açılmaya bilər - FOTO

Alman avtomobil istehsalçısı “Audi” 2022-2023-cü illər arasında buraxılan “Q4 E-Tron” və “Q4 Sportback E-Tron” modellərində kəşf etdiyi hava yastığı problemi səbəbi ilə nəqliyyat vasitələrini geri çağırır.
Avtosfer.az xəbər verir ki, yan hava yastığı qapağının yırtıla biləcəyini və qəza şəraitində təsirsiz hala gələcəyini açıqlayan şirkət ümumi olaraq 1644 avtomobilinə geri çağırma proqramını tətbiq edib.
Alman avtomobil şirkəti mövcud problemin qaynağının nə olduğunu araşdırarkən xüsusilə, qəza zamanı hava yastığının açılmamasına səbəb kimi aşağı gərginlik xətasını aşkar etdi. Belə ki, hava yastığının daxilində olan kimyəvi maddə qəza vəziyyətində qızmayaraq onun aktiv hala gəlməməsini həyata keçirir. Təbii ki, bu da sürücünü ciddi güvənlik problemləri ilə üz-üzə qoyur. 
Aparılan araşdırmalar zamanı mövcud problemlə bağlı hər hansı bir qəzada insan itkisi, yaxud xəsarət alma halları müşahidə olunmasa da, hava yastıqlarındakı aşağı gərginlik xətası yan hava yastığının istənilən bədbəxt hadisə zamanı açılmayacağı mənasına gəlir. “Audi” avtomobil sahiblərinə ayın 8-dən başlayaraq mail-lər göndərir və mövzuyla bağlı onlara maarifləndirici məlumatlar ötürür. 
Qeyd edək ki, şirkət 19 iyun 2020 il ilə 21 fevral 2023 il zaman dilimində istehsal olan modellərə geri çağırma əməliyyatı tətbiq olunub.

Nərmin Əkbər