“Audi” bu modelləri geri çağırır - Təhlükəsizlik yastıqlarında yaranmış qüsura görə

“Audi” şirkəti Rusiyadan 512 ədəd “A4”, “A8”, “A6”, “TT” və “Cabriolet” modellərini, təhlükəsizlik yastıqlarında yaranmış qüsura görə geri çağırır. Avtosfer.az xəbər verir ki, bu, 1997-ci ildən 2001-ci ilə qədər realizə edilmiş avtomobillərə şamil edilir. Bu barədə “Rosstandart” məlumat yayıb.

Məlumata görə, yoxlanış və təmirə, “Takata” təhlükəsizlik hava yastıqlı və “NADI” qaz generatorlu avtomobillər düşür.

Səmərəliliyin aşağı düşməsi, qəza zamanı təhlükəsizlik yastığının yavaş-yavaş və yaxud da ümumiyyətlə açılmamasına gətirib çıxara bilər. Bu da maksimum qorunma təmin etməyəcək.

“Volkswagen Group Rus MMC” geri çağırılan avtomobillərin sahiblərinə pulsuz olaraq yoxlanmağı və lazım olduqda sürücünün təhlükəsizlik yastıqlarını dəyişdirməyi təklif edəcək.

Namiq Musayev