Avtomobillərə 88 yaşlı qadın zərər yetirirmiş

Qəribə halla Fransanın Aryej departamentinin kiçik Kaüzak kommunasının sakinləri rastlaşıb. 

Avtosfer.az-ın xəbərinə görə, məhəllələrdən birinin sakinləri aylardır avtomobillərinə ziyan vuran şəxsi tapa bilmirdilər. Səhər işə gedərkən onlar avtomobilin cızıldığını, güzgünün qopduğunu görürdülər. Xırda təmir olduğundan sığorta da ödənilmirdi. Polis də qayda pozanı tapa bilmir. 

Nəhayət, bu günlərdə hadisəni törədən şəxsi gecə saatlarında iş başında təsadüfən yaxalamaq mümkün olub. Lakin qonşular gözlərinə inanmayıblar. Sən demə bu işləri görən qonşudakı 88 yaşlı nənə imiş. 

Polisin hadisəni araşdırması ilə yanaşı artıq qonşular məhkəmədə ağbirçəyə qarşı iddia qaldırıb.

Vüqar